(અછાંદસ)
જગ આખાયે વેપારવણજે
સેલ-સેલની બોલબાલા ભાઈ, સેલ-સેલની બોલબાલા!
આંકડાની માયાજાળની મહાજાળ રચે જગતભરના એ ઊર્ણનાભ!
સેલ-સેલ ભાઈ, સેલ-સેલ! (1)
વિદેશે જેસી પેની (JC Penny) એટલે જેવા પૈસા,
તો વળી વૈયાકરણે ત્રીપુ એકવચને સીઅર્સ (Sears) નો મતલબ થાયે,
તપાવેલા લોઢે દેવો ડામ!
સેલ-સેલ ભાઈ, સેલ-સેલ! (2)
ઘરઅંગણિયે બીગ બઝાર (Big Bazar) જ્યાં,
શબ્દકોષે બીગ (Big) નો અર્થ થતો બડાઈખોર!
શોપર્સ સ્ટોપ છતાં, ટ્રોલીઓ ખેંચતા રહે સૌ, ઊભા ના રહે!
સેલ-સેલ ભાઈ, સેલ-સેલ! (3)
‘બાય સો સો અને ગેટ સો સો ફ્રી’ જેવાં ઝાંઝવાજળશાં.
ગાજરલાકડી મુખ સમીપે લટકે લાલચ થૈ,
પેન્ટાલુને પેન્ટ તરડાતાં સિલાઈએ વાંકા વળતાં!
સેલ-સેલ ભાઈ, સેલ-સેલ! (4)
દિલ્હી બઝારે ક્રમિક છ તબક્કે 120 ટકા ડિસ્કાઉન્ટ!
ના માન્યામાં આવે, પણ હકીકત સામે જોઈ બને સૌ દંગ,
અને છતાંયે ચુકવાતા છવ્વીસાધિક ટકા ગજબ ભયો!
સેલ-સેલ ભાઈ, સેલ-સેલ! (5)
સેલસેલની અવનવી સ્કીમ સૌ આવે ને જાય,
પણ ઋતુ અને તહેવાર ગમે તે, એક સ્કીમ જે દુનિયાભરમાં એવી પ્રચલિત,
કે કછડો બારે માસ લીલોછમ જ્યમ!
સેલ-સેલ ભાઈ, સેલ-સેલ! (6)
મુજ વાંચકજન, મુજ શ્રોતાગણ
દશે આંગળીઓ ઘીમાં ફેરવે ત્યમ માથાં ખંજવાળે બેઉ હાથે!
પૂછે એવી તે શી સ્કીમ જે ના સમજાયે!
સેલ-સેલ ભાઈ, સેલ-સેલ! (7)
વધુ લટકાવ્યા વિણ સીધું ભાખી દઉં:
જાઓ પે એન્ડ યુઝ ટોઈલેટે, દુનિયાભરમાં વર્ષના ગમે તે દહાડે!
ચૂકવો બિલ બે આંગળીનું ને એક આંગળી મુદ્દલ ફ્રી!
સેલ-સેલ ભાઈ, સેલ-સેલ! (8)
-વલીભાઈ મુસા
Proposed E-Book “વિલિયમાનાં હાસ્યકાવ્યો”
Advertisements
pragnaju
October 28, 2011 at 11:58 pm
એક જગ્યાએ અંગ્રેજીમા SALE નું બૉર્ડ લગાવેલું.
તો અંગ્રેજીની એ બી સી ડી શીખતા બાબાભાઇ વાંચે
સાલે
અને
વિચારે આ શું ?
LikeLike
સુરેશ
October 29, 2011 at 12:51 pm
મહમ્મદ ભાઈને ત્યાં શેનો સેલ ચાલે છે?
અકબર ભાઈ રૂમ વેચે છે !
આપણા મિત્ર જગતમાં તો તમે એકલા જ વેપારી છો !
LikeLike
Valibhai Musa
October 29, 2011 at 1:35 pm
પણ, આપણે બધા શબ્દવ્યાપાર તો કરીએ જ છીએ ને! અહીં વ્યાપારનો અર્થ અભિવ્યક્તિ લેવો પડશે. એ જ પ્રમાણે મનોવ્યાપાર એટલે મનના વિચારો એમ સમજવું પડે.
LikeLike