RSS

(૫૩૩) બ્લૉગ દશાબ્દિ નિમિત્તે સંક્ષિપ્ત ભાવસ્મરણ

05 May

વ્હાલાં સાહિત્યપ્રેમીજનો,

મારા મુખ્ય બ્લૉગ “William’ Tales”ને આજરોજ તા. ૦૫૦૫૨૦૧૭ના રોજ દશ વર્ષ પૂર્ણ થાય છે. આપ સૌ વાચકોને મારા બ્લૉગ અંગેની આંકડાકીય માહિતી દ્વારા માનસિક વ્યથા પહોંચાડવાનો અત્રે મારો કોઈ ઈરાદો નથી. લગભગ પોણી સદીની મારી જિંદગીનાં આ પાછલાં દશ વર્ષોએ મને એવો પ્રવૃત્તિમય રાખ્યો કે મારી અગાઉની આર્થિક સંઘર્ષ દરમિયાનની પ્રવૃત્તિ સાવ ઝાંખી પુરવાર થાય. મારા પૂર્વજીવનના સમય અને શક્તિનો વિનિયોગ નાણું કમાવા માટે થયો હતો, જ્યારે ઉત્તરકાલીન જીવનમાં સમય, શક્તિ અને નાણાં એમ ત્રણેયનો વિનિયોગ અભૌતિક એવા નિજાનંદ અને માનવીય સંબંધોના વિસ્તરણમાં થયો જેનું કોઈ મૂલ્ય આંકી ન શકાય. મારા બ્લૉગ ઉપર ક્યાંક એવું લખ્યાનું મને સ્મરણ થાય છે કે દેશવિદેશના અસંખ્ય જે લોકો સાથે મારો પરિચય અને ઘરોબો બંધાયો છે, તેમના થકી નવું એક નાનકડું ગામ વસી શકે.

કૌટુંબિક અને ધંધાકીય પ્રવૃત્તિઓમાં ગળાડૂબ રહેતા એવા આ જણે કેટલાય દસકાઓ સુધી સોળ સોળ કલાક કામ ખેંચ્યું હતું અને એ દીર્ઘ સમય દરમિયાન સાહિત્ય સાથેનો સથવારો નહિવત્ રહ્યો હતો. એ નગણ્ય  સમયગાળામાં માંડ એકાદ પુસ્તક જેટલું સાહિત્યસર્જન થયું હશે, જે છેલ્લાં દશ વર્ષોમાં એકદમ વધીને ચૌદ પુસ્તકો જેટલું થયું છે. આ ચૌદેય ઈ-પુસ્તકો છે, જેનો પ્રમુખ આશય જીવનભરની સાહિત્યિક મહેનતને જાળવી રાખવાનો છે. આ પુસ્તકો પૈકી માત્ર એક પુસ્તક જે સહિયારા સર્જનના પરિપાક રૂપે છે તેને બાદ કરતાં બાકીનાં તેર પુસ્તકો મૂલ્ય ધરાવે છે, જેની આવકનો મોટો હિસ્સો પ્રત્યક્ષ કે પરોક્ષ રીતે ચેરિટી સાથે સંકળાયેલો છે. હું સોશ્યલ મિડિયા ઉપર અવારનવાર જાહેરાત કરતો આવ્યો છું કે વિશ્વભરના કોઈ પણ સાર્વજનિક ટ્રસ્ટને ભારતીય ચલણમાં ઓછામાં ઓછું રૂ|.૫,૦૦૦/- અથવા ૧૦૦ અમેરિકન ડોલર કે ૧૦૦ બ્રિટીશ પાઉંડ દાન આપનાર દાતાને મારાં ચૌદેય ઈ-પુસ્તકોનો આખો સેટ કે જે PDF સ્વરૂપે છે અને જેની કિંમત રૂ|.૩,૫૫૦/- થાય છે તે બક્ષિસ આપવા માગું છું.

હવે સ્વાભાવિક છે કે આવા કોઈ દાતા સામાપગે બક્ષિસ પુસ્તકો મેળવવા માટે કંઈ પોતાનાં ઈ-મેઈલ એડ્રેસ મને મોકલે નહિ અને તેથી મેં મારા વતનની આરોગ્ય અને શિક્ષણની સેવાઓ આપતી સ્થાનિક સંસ્થાઓને અને બહારની સંસ્થાઓ પૈકી જેની સાથે લાગણીના સંબંધે સંકલાયેલો છું તેવા ‘અંધજન મંડળ, વસ્ત્રાપુર, અમદાવાદ’ને જાણ કરી છે કે તેઓ હવે પછીથી તેમના દાતાઓનાં ઈ-મેઈલ એડ્રેસો મેળવતા જઈને મને મોકલી આપે તો હું તેમને ઈ-બુક્સ મોકલતો રહું. મારા સુજ્ઞ વાચકો પોતપોતાના વતન કે વિસ્તારની એવી સંસ્થાઓને જાણ કરે અથવા એ સંસ્થાઓનાં ઈ-મેઈલ સરનામાં મને મોકલી આપે તો હું તેમને સર્ક્યુલર લેટર મોકલી શકું. આશા રાખું છું કે માનવતાના આ ઉમદા કાર્યમાં આપ સૌ સહભાગી બનશો.

હવે આ લેખના મુખ્ય મુદ્દે આવું તો આપ સૌ ગુર્જરજનોને ખ્યાલ હશે જ કે વિશ્વભરમાં ફેલાયેલા અમે કેટલાક મિત્રોએ તા.૨૬-૦૧-૨૦૧૩ના રોજ ‘વેબગુર્જરી’ નામે વેબસાઈટ શરૂ કરી હતી, જેની વ્યૂઅરશિપ હાલ સુધીમાં લગભગ ૬૪ લાખ જેટલી થવા જાય છે. આ વેબસાઈટ સાથે હું શરૂઆતથી જ સંકળાયેલો હોઈ સંપાદન, પ્રુફરીડીંગ અને મારી કેટલીક નિયમિત શ્રેણીઓ જેવી જવાદારીઓના કારણે હું મારા અંગત બ્લૉગ ઉપર ઓછું ધ્યાન આપી શક્યો હોઈ મારું વ્યક્તિગત સર્જનકાર્ય ઓછું થયું છે, જેનો મને કોઈ અફસોસ નથી.

મારા આ લેખના કદને સંક્ષિપ્ત રાખવાના હેતુસર સમાપન પૂર્વે મારા બ્લૉગવાચકોના પ્રત્યક્ષ કે પરોક્ષ સહકાર બદલ આભાર માનીને અત્રેથી વિરમું છું.

– વલીભાઈ મુસા

* * *

પરિશિષ્ટ :

E-Books : By Valibhai Musa

૦૧ – હળવા મિજાજે (નિબંધ-લેખ) : Pages-132 INR 300/- USD – 6.00 GBP – 5.00
02 – In Changing Moods (Essay-Article) : Pages- 98 INR 200/- USD 5.00 GBP 4.00
03 – In Light Mood (Essay-Article) : Pages-78 INR 150/- USD 4.00 GBP 3.00
04 – In Thoughtful Mood (Essay-Article) : Pages- 105 INR 250/- USD 6.00 GBP 5.00
૦૫ – જળસમાધિ (વાર્તાસંગ્રહ-૧) : Pages-129 INR 350/- USD 8.00 GBP 7.00
૦૬ – મારી કાન્તા (વાર્તાસંગ્રહ-૨) : Pages-136 INR 350/- USD 8.00 GBP 7.00
૦૭ – મમ કવિતડાં (કાવ્ય –હાઈકુ) : Pages-173 INR 400/- USD 10.00 GBP 8.00
૦૮ – પરિવર્તિત મિજાજે (નિબંધ-લેખ) : Pages-96 INR 200/- USD 5.00 GBP 4.00
૦૯ – પ્રસન્ન મિજાજે (નિબંધ-લેખ) : Pages-75 INR 150/- USD 3.00 GBP 2.50
૧૦ – સમભાવી મિજાજે (નિબંધ-લેખ) : Pages-113 INR 250/- USD 6.00 GBP 5.00
૧૧ – વિચારશીલ મિજાજે (નિબંધ-લેખ) : Pages-132 INR 300/- USD 6.00 GBP 5.00
૧૨ – વલદાનો વાર્તાવૈભવ (વાર્તાસંગ્રહ-૩) : Pages-164 INR 400/- USD 8.00 GBP 7.00
૧૩ – વલદાની વાસરિકા (નિબંધ-લેખ) : Pages-98 INR 250/- USD 5.00 GBP 4.00
૧૪ – કાવ્યાનુવાદન – રસાસ્વાદન (અનુવાદ-રસદર્શન) : Pages – 141 F.O.C.

Total Cost of entire Set : Rs.3550/-
નોંધ:- પુસ્તકોનાં પાનાંની સાઈઝ A-4 અને લખાણના ફોન્ટ ૧૧ની સાઈઝના છે.

* * *

: CONTACT :

Valibhai Musa,
105, Nasir Road,
KANODAR- 385 520 (Dist. B.K.)
Email – Valibhai Musa <musawilliam@gmail.com Mob. 93279 55577 // 94261 84977

 
6 Comments

Posted by on May 5, 2017 in લેખ

 

6 responses to “(૫૩૩) બ્લૉગ દશાબ્દિ નિમિત્તે સંક્ષિપ્ત ભાવસ્મરણ

  1. સુરેશ

    May 5, 2017 at 4:05 pm

    દસિયો મુબારક.

    Like

     
  2. La Kant Thakkar

    May 15, 2017 at 4:53 am

    ” ભાવ-સ્મરણ એ ભીતરમાં સહજ ઉગતું એક ફૂલ ….” સર્જનાત્મકતા ,ઉમંગ + ઉત્સાહ સભર પ્રવૃત્તિ માટે અભિનંદન એક “પ્રિયજનને “…. મન-મસ્ત ,દિલદાર સાક્ષર યજમાન શ્રીયુત ” વલીભાઈ મુસાજી”ની સાહિત્યિક -યાત્રાની દશાબ્દી નિમિત્તે … દિલથી …. સપ્રેમ પણ

    Like

     
  3. La Kant Thakkar

    May 15, 2017 at 5:06 am

    આપનો ઉદાત આશય દાન પ્રવૃતિ કોઈનેપણ સહાય અર્થે થાય સારુંજ, પણ સાહિત્યિક રસજ્ઞ લોકોને પ્રેરક વાંચનપણ મળી રહે આ માધ્યમ દ્વારા….એ સદ-પ્રવૃત્તિ જ ! આભાર અને અભિનંદન

    Like

     
  4. સુરેશ

    June 24, 2017 at 3:45 pm

    You will be a teenager soon ! Hearty congratulations.

    Liked by 1 person

     
    • Valibhai Musa

      June 26, 2017 at 11:15 am

      Thanks Sureshbhai. Yes, on 5th May, 2019. “William’s Tales” will be 12 years old and first ‘teen year’ i.e. thirteenth will start, if your forecast comes true.

      Like

       
  5. La' Kant " કંઈક "

    June 26, 2017 at 11:37 am

    हूँ तो जस्ट …. हाइस्कूलमां शरुआत करतो… पथगामी…

    Like

     

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

 
%d bloggers like this: