RSS

Category Archives: ગ઼ઝલ

(545) ક્યાંક ખીલે (ગ઼ઝલ) -૬


ક્યાંક ખીલે (ગ઼ઝલ)

(ગાલગાગા ગાલગાગા ગાલગા)

ક્યાંક ખીલે કોક પુષ્પો બાગમાં
તો વળી કો ક્યાંક તો કરમાય છે.

બાળકુસુમો જન્મ પામે ને મરે
કુદરતી એ ક્રમ અહીં વર્તાય છે.

કોક પામે માનમોભો તો વળી
કો બિચારો વાંકવણ નંદવાય છે

ગાય કોઈ લગ્નગીતો હર્ષમાં
કે પછી કો મરશિયાને ગાય છે.

ક્યાંક જો ને પેટ મોટાં થાય છે
તો વળી કો પેટ સંકોચાય છે.

બે ધ્રુવોનો ફાસલો છે એટલો
કે કદી ના મેળ એનો થાય છે

આંખમાં ખૂંટો ફરે તો મોતને
માગવું ના દર્દ છો ને થાય છે

લાગણીની વાત છે ન્યારી ઘણી
ક્યાં કદી કો’થી વળી પરખાય છે

તુંય કેવો સાવ ભોળો છે ‘વલી’
કે તને સૌ શીઘ્ર ધૂતી જાય છે

-વલીભાઈ મુસા (‘વલી’ કાણોદરી)

(તા.૦૪૧૧૧૭)

(ફેસબુક – ‘ગ઼ઝલ તો લખું હું’ ગ્રુપ તા.૦૪૧૧૧૭)

Advertisements
 
2 Comments

Posted by on November 20, 2017 in ગ઼ઝલ

 

Tags: , , ,

(544) પુરપાટ ઝડપે (ગ઼ઝલ) – ૫


પુરપાટ ઝડપે (ગ઼ઝલ)

(ગાગાલ લલગા ગાલગા ગાગાલગા)

પુરપાટ ઝડપે દોડતી આ ટ્રેનમાં
પ્યાલો છલકતો  જળ તણો મુજ હાથમાં

ચકરભમર ભમે પૃથિવી તો વેગમાં
પ્રોવી શકું જુઓ ને હું ધાગો સોયમાં

નયનો સહુ મનુજનાં દીસે  જે એકશાં
પરખાય નફરત  મોહબત  પળવારમાં

શિશુ ખેલતું જનેતા તણી જ્યાં ગોદમાં
મમતા ચમકતી સ્નેહમય એ નયનમાં

નિરખાય કદી કારુણ્યતા કો આંખમાં
યા તો ઉકળતો ક્રોધ કોઈ ચક્ષુમાં

વૈવિધ્ય ઉભરે કેટલાંયે નેત્રમાં
લીલા પ્રગટતી ઈશની એ સર્વમાં

ફસતો નહિ કદી આ  જગે ભાઈ ‘વલી’
ચોતરફ ભમતી ગૂઢ માયાજાળમાં

-વલીભાઈ મુસા (‘વલી’ કાણોદરી)

(તા.૧૯૧૦૧૭)

(ફેસબુક – ‘ગ઼ઝલ તો લખું’ ગ્રુપ તા.૦૭૧૧૧૭)

 

 

 

 

 
2 Comments

Posted by on November 17, 2017 in ગ઼ઝલ

 

Tags: , , ,

(543) સમરાંગણ જીવન આ (ગ઼ઝલ) – ૪


સમરાંગણ જીવન આ (ગ઼ઝલ) – ૪

(લલગા લલગા લલગા લલગા)

સમરાંગણ જીવન આ સમજો
નમવું હઠવું બદતર સમજો

મરતાં દમ તક લડવું જ ખરું
વરસે અરિનાં શર ના હઠજો

દુ:ખ જો ઝડપે તવ ગરદનને
શુરવીર બની તમ છોડવજો

મનખા અવતાર ઉજાળવો જો
ધરતી સરખા થઈને વસજો

અદના જણને હરખે મળીને
તદનું દુ:ખડું હળવું કરજો

ખખડે બરતન કશું ના ઘરમાં
એ અકિંચન સર પર કર ધરજો

કરથી મુખથી શુભ કામ કરી
કરુણા જતવી જીવતર જીવજો

જીવવું ગર જો ખુદગીસહ તો
થઈને ભડવીર ‘વલી’ લડજો

-વલીભાઈ મુસા (‘વલી’ કાણોદરી)

તા.૦૬૧૦૧૭

(ફેસબુક – ‘ગ઼ઝલ તો લખું હું’ ગ્રુપ તા.૧૭૧૦૧૭)

 
3 Comments

Posted by on November 13, 2017 in ગ઼ઝલ

 

Tags: ,

(542) માનવ જીવન (ગ઼ઝલ) – ૩


માનવ જીવન (ગ઼ઝલ) -૩

(ગાગાલગા લગાગા ગાગાલગા લગાગા)

માનવ જીવન અહીં છે ભરપૂર જીવવાનું,
જગબાગમાં કુસુમ થઈ ચોગમ મહેકવાનું

સંસારસાધુ થઈને સૌ સાથમાં રહીને,
સુખ-દુઃખે સૌ પરસ્પર ભળતાં ભળી જવાનું

જમવું બહારગામે તારું ચહે જ તું તો
કો અજનબી જમાડી સ્નેહે વળાવવાનું

અતડા ન ફરવું તારે રસહીન શા થઈને
મૈત્રીપણું તજીને શાને જ ટટળવાનું

અક્કડપણું તજીને થા નમ્ર ને સિયાનો
આપસ મહીં ગળેથી ખુશહાલ  ભેટવાનું

ચિંતાચિતા નઠારી દિનરાત તો પ્રજાળે
હળવો મિજાજ ધારી બિનધાસ્ત ટેલવાનું

મેળો વિહંગનો છે આ આલમે પરબડી
દાદફરિયાદ ભૂલી મેળે મહાલવાનું

પાકીઝગી ધરાવી થઈ જા ‘વલી’ ખુદાનો
બેહિશ્તનું ધરા પર ઉતરણ કરાવવાનું.

-વલીભાઈ મુસા (‘વલી’ કાણોદરી)

તા.૨૧૦૯૧૭

(ફેસબુક – ‘ગ઼ઝલ તો લખું હું’ ગ્રુપ તા.૦૭૧૦૧૭) 

 
2 Comments

Posted by on November 11, 2017 in ગ઼ઝલ

 

Tags: , ,

(541) છે દોઢ ઈંચી જીભડી (ગ઼ઝલ) -૨


છે દોઢ ઈંચી જીભડી (ગ઼ઝલ) – ૨

(હરિગીતગાગાલગાગા  ગાલગાગા  ગાલગાગા  ગાલગા)

છે દોઢ ઈંચી જીભડી ને લ્હેજતું ખટરસ તણી 
હિકમત અજબની જાણતાં મુજ ચિત્ત તો ભરમાય છે 

સૌ શ્વાસ લઈ યા શ્વાસ છોડી જીવની આટોપતાં  
ધબ ધબ થતી મુજ નાડ પરખું શ્વાસ ઊંચા થાય છે 

જ્યારેય અણુભર તરફ તારી આવું તુજને પામવા  
ખસતો જતો તું વેગળો મારીય મતિ અટવાય છે 

ના જાત જાણે ખુદ તણી એ ઈશને જાણી શકે?
ના ના કદી હરગિજ નહીં તું ખાંડ ખોટી ખાય છે 

દ્વયજીવ માદા થાનમાંના દુગ્ધ મધુની સેરમાં     
તુજ હસ્તિનો શક મન મહીંથી દૂર હડસેલાય છે 

છે મૃત્યુશય્યા દોહ્યલી જ્યાં ઊભરે નેકીબદી 
ભયભીતતાની વેળ કલ્પી હૈડું મુજ ગભરાય છે. 

સમજી ‘વલી’ તું જા અગર જો મોત ચાહે સોહ્યલું
જીવો અને દો જીવવામાં સર્વ માઈ જાય છે

(લ્હેજતું= લહેજતનું બ.વ.;  જુગત= રચના)

વલીભાઈ મુસા (વલી કાણોદરી)

તા.૨૦૦૯૧૭

(ફેસબુક – ‘ગ઼ઝલ તો લખું હું’ ગ્રુપ તા.૦૩૧૦૧૭) 

 
3 Comments

Posted by on November 9, 2017 in ગ઼ઝલ

 

Tags: , ,

 
ગુજરાતી રસધારા

રસધારા ગરવી ગુજરાતની, સુગંધ આપણી માતૃભાષાની ! © gopal khetani - 2016-17

ગુર્જરિકા

અમેરિકામાં ધબકતું ગુજરાત

વેબગુર્જરી

ગુજરાત, ગુજરાતી અને ગુજરાતીઓ માટે વિચાર–મંચ

કાન્તિ ભટ્ટની કલમે

મહેન્દ્ર ઠાકરની અભિવ્યક્તિ

word and silence

poetry & prose by Tim Miller

Quill & Parchment

I Solemnly Swear I Am Up To No Good

Simerg - Insights from Around the World

With a focus on the artistic, intellectual and textual expressions of the Ismalis and other related Muslim traditions

The WordPress.com Blog

The latest news on WordPress.com and the WordPress community.

Pratilipi

www.pratilipi.com

DoubleU = W

WITHIN ARE PIECES OF ME

અભીવ્યક્તી

રૅશનલ વાચનયાત્રા (એક જ ‘ઈ અને ઉ’ માં..)

eBayism School of Thought

AWAKENING THE SLEEPING READERS

Success Inspirers World

Land of opportunity

સાહિત્યરસથાળ

મારા વિચાર મારી કલમે

vijay joshi - word hunter

The Word Hunter -My English Haiku and Notes on my favourite Non-Fiction Books

લાગણીઓ નું લાક્ષાગૃહ

'રાજી' રાજુ કોટક

sneha patel - akshitarak

gujarati column writer-author and poet

"બેઠક" Bethak

વાંચન દ્વારા સર્જન -બેઠક

શબ્દ સાધના પરિવાર

'યાર,મારું ગામ પણ આખું ગઝલનું ધામ છે.'-'અમર'પાલનપુરી

રાજુલનું મનોજગત

“Languages create relation and understanding”