RSS

Tag Archives: સેક્યુલર

(566) કાગનો વાઘ છે (ગ઼ઝલ) -૨૩

તકતી – ગાલગા * 4  (મુતદારિક મુસમન સાલિમ)

કાગનો વાઘ છે, વાતમાં દમ નથી,
ચિત્રનો વાઘ છે, એ કંઈ જમ નથી.

જામ શરબત તણો હાથમાં  છે લીધો,
માનશો  ના ભલે, કિંતુ એ રમ નથી.

આગ ભડકાવતા શાસકો  ખુદ પછી,
શાંતિને યાચતા શાઠ્ય એ કમ નથી.

કોમને  કોમથી  ડારવી  છળ થકી,
સેક્યુલર શબ્દ શું શાબ્દિક ભ્રમ નથી?

રાજકારણ બન્યું  મિન્ટ બીજું  જ તો,
ખાયકી તેઉની શ્યામધન સમ નથી?

લોકશાહી  બિચારી વહાવે લહૂ,
દૂઝતા ઘાવનો  કોઇ મરહમ નથી?

ચોરને સોંપવું ચોરનું પકડવું,
ખેલ જોઈ ‘વલી’  શું તને ગમ નથી?

(રમ= એક પ્રકારનો દારૂ; સેક્યુલર= બિનસાંપ્રદાયિક; મિન્ટ=ટંકશાળ) 

-વલીભાઈ મુસા (‘વલી’ કાણોદરી)

(તા.૦૩૦૧૧૮)

 
1 Comment

Posted by on February 2, 2018 in ગ઼ઝલ

 

Tags: , , , , ,